ஆஸ்திரேலிய அணியின் தேர்வுக்குழு உறுப்பினராகிறார் ஜார்ஜ் பெய்லி

ஆஸ்திரேலிய அணியின் தற்காலிக கேப்டனாக செயல்பட்டவர் ஜார்ஜ் பெய்லி. 37 வயதாகும் இவர் ஆஸ்திரேலிய அணிக்காக ஐந்து டெஸ்ட், 90 ஒருநாள் மற்றும் 30 டி20 போட்டிகளில் விளையாடியுள்ளார். கடந்த 2017-ம் ஆண்டுக்குப்பின் அவர் ஆஸ்திரேலிய அணியில் இடம் பெறவில்லை.

தற்போது கிரிக்கெட் ஆஸ்திரேலியாவின் தேர்வுக்குழு உறுப்பினராக இருப்பதாக செய்திகள் வெளியாகியுள்ளன. பெய்லி பிக் பாஷ் டி20 லீக்கில் ஹோபர்ட் ஹரிகேன்ஸ் அணிக்காக விளயைாடி வருகிறார். அதேபோல் டாஸ்மானியா அணிக்காகவும் விளையாடி வருகிறார்.

தேர்வுக்குழுவில் இடம் பிடித்தாலும் தொடர்ந்து கிரிக்கெட் விளையாடுவார் எனத் தெரிகிறது. கிரிக்கெட் ஆஸ்திரேலியா தேர்வுக்குழுவின் சேர்மனாக டிரெவோர் ஹோன்ஸ் இருந்து வருகிறார். ஜஸ்டின் லாங்கர் உறுப்பினராக இருக்கிறார்.