தொடர்ச்சியாக நான்கு டெஸ்டில் இன்னிங்ஸ் வெற்றி பெற்று இந்தியா வரலாற்றுச் சாதனை

இந்தியா - வங்காளதேசம் அணிகளுக்கு இடையிலான பிங்க்-பால் டெஸ்ட் கொல்கத்தாவில் நடைபெற்றது. இதில் இந்தியா இன்னிங்ஸ் வெற்றி பெற்றது. இந்த வெற்றியின் மூலம் இந்தியா தொடர்ச்சியாக நான்கு டெஸ்ட் போட்டிகளில் இன்னிங்ஸ் வெற்றி பெற்றுள்ளது.

டெஸ்ட் கிரிக்கெட் வரலாற்றில் எந்தவொரு அணியும் தொடர்ச்சியாக நான்கு முறை இன்னிங்ஸ் வெற்றியை ருசித்தது கிடையாது. அப்படியொரு சாதனையை இந்தியா தற்போது நிகழ்த்தி வரலாற்றுச் சாதனைப் படைத்துள்ளது.

வங்காளதேச அணிக்கெதிரான இரண்டு டெஸ்டில் இன்னிங்ஸ் வெற்றி பெற்ற இந்தியா, தென்ஆப்பிரிக்காவுக்கு எதிரான கடைசி இரண்டு இன்னிங்சிலும் வெற்றி கண்டிருந்தது குறிப்பிடத்தக்கது.