செய்திகள்
ஐஎஸ்எல் கால்பந்து - கேரளாவுக்கு எதிரான போட்டியில் பெங்களூரு வெற்றி
பெங்களூருவில் நடைபெற்ற ஐ.எஸ்.எல். கால்பந்து போட்டியில் கேரளா பிளாஸ்டர்சை வீழ்த்தி பெங்களூரு அணி வீழ்த்தி 2வது வெற்றியை பதிவு செய்தது.
பெங்களூரு:
10 அணிகள் இடையிலான 6-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடந்து வருகிறது.
கர்நாடக மாநிலம் பெங்களூருவில் நேற்று இரவு நடைபெற்ற லீக் ஆட்டத்தில் கேரளா பிளாஸ்டர்ஸ், பெங்களூரு எப்சி அணிகள் மோதின.
ஆட்டத்தின் முதல் பாதியில் இரு அணி வீரர்களும் கோல் அடிக்கவில்லை. இதனால் இரு அணிகளும் சமனிலை வகித்தன.
ஆட்டத்தின் 55-வது நிமிடத்தில் பெங்களூரு அணியின் சுனில் சேத்ரி ஒரு கோல் அடித்து தனது அணியை முன்னிலைப்படுத்தினார். இதையடுத்து, ஆட்டத்தின் இறுதிவரை கேரளா அணியால் ஒரு கோல் கூட அடிக்க முடியவில்லை.
இறுதியில், பெங்களூரு எப்சி அணி 1-0 என்ற கோல் கணக்கில் கேரளா அணியை வீழ்த்தி இரண்டாவது வெற்றியை பதிவு செய்தது.