ராஞ்சி டெஸ்ட் போட்டிக்கான இந்திய அணியில் சுழற்பந்து வீச்சாளர் ஷாபாஸ் நதீம் சேர்ப்பு

இந்தியா - தென்ஆப்பிரிக்கா அணிகளுக்கு இடையிலான 3-வது டெஸ்ட் கிரிக்கெட் போட்டி ராஞ்சியில் நாளை தொடங்குகிறது. தென்ஆப்பிரிக்கா தொடருக்கான இந்திய அணியில் சுழற்பந்து வீச்சாளர் குல்தீப் யாதவ் இடம் பிடித்திருந்தார்.

ராஞ்சியில் நாளை தொடங்கும் 3-வது மற்றும் கடைசி போட்டிக்காக இந்திய வீரர்கள் பயிற்சி மேற்கொண்டனர். அப்போது தோள்பட்டையில் வலி இருப்பதாக குல்தீப் யாதவ் தெரிவித்துள்ளார். இதனால் அவருக்குப் பதிலாக ஷாபாஸ் நதீம் அணியில் சேர்க்கப்பட்டுள்ளார்.

இடது கை சுழற்பந்து வீச்சாளரான ஷாபாஸ் நதீம் உள்ளூர் கிரிக்கெட்டில் சிறப்பாக பந்து வீசி வருகிறார். அவர் முதல் தர கிரிக்கெட்டில் 424 விக்கெட்டுக்களும், லிஸ்ட் ஏ போட்டியில் 145 விக்கெட்டுக்களும், டி20-யில் 98 விக்கெட்டுக்களும் வீழ்த்தியுள்ளார்.