செய்திகள்
புரோ கபடி லீக் - புனேவை வீழ்த்தி 2வது வெற்றியை பதிவு செய்தது தமிழ் தலைவாஸ்
புரோ கபடி லீக் போட்டியில் இன்று நடைபெற்ற லீக் ஆட்டத்தில் புனேரி படான் அணியை வீழ்த்தி தமிழ் தலைவாஸ் அணி இரண்டாவது வெற்றியை பதிவு செய்தது. #ProKabaddi #PuneriPaltan #TamilThalaivas
புனே:
12 அணிகள் பங்கேற்றுள்ள 6-வது புரோ கபடி லீக் போட்டி இந்தியாவில் நடந்து வருகிறது. இதில் மகாராஷ்டிரா மாநிலம் புனேவில் நடந்த லீக் ஆட்டத்தில் புனே அணியும் தமிழ் தலைவாஸ் அணியும் மோதின.
தமிழ் தலைவாஸ் அணி ஏற்கனவே 5 ஆட்டங்களில் தோற்றுப் போனதால், ஆட்டத்தின் தொடக்கத்தில் அவர்கள் ஆக்ரோஷமாக விளையாடினர். இதனால் அந்த அணியின் புள்ளிகள் உயர்ந்து வந்தது.
சொந்த மண்ணில் விளையாடுவதால் புனே அணி தமிழ் தலைவாஸ் அணிக்கு கடும் நெருக்கடியை தந்தது.
அஜய் தாக்கூர் சிறப்பாக ஆடி 12 ரெய்டு பாய்ண்ட்கள் பெற்றுத் தந்தார். ஆட்டத்தின் இறுதியில் தமிழ் தலைவாஸ் அணி சிறப்பாக செயல்பட்டதால், 36-31 என்ற புள்ளி கணக்கில் புனேவை வீழ்த்தியது.
இதையடுத்து, கடந்த ஐந்து போட்டிகளில் பெற்ற தொடர் தோல்விக்கு முற்றுப்புள்ளி வைத்து இரண்டாவது வெற்றியை பதிவு செய்துள்ளது தமிழ் தலைவாஸ் அணி. #ProKabaddi #PuneriPaltan #TamilThalaivas