புரோ கபடி லீக் - பெங்களூரை வீழ்த்தியது புனே

12 அணிகள் பங்கேற்றுள்ள 6-வது புரோ கபடி லீக் போட்டி இந்தியாவில் நடந்து வருகிறது. இதில் அரியானா மாநிலம் சோனிபட்டில் நடந்த லீக் ஆட்டத்தில் புனே அணியும் பெங்களூரு அணியும் மோதின. 

ஆட்டத்தின் தொடக்கத்தில் இருந்தே இரு அணி வீரர்களும் ஒருவருக்கொருவர் சளைக்காமல் சிறப்பாக விளையாடினர். ஆனாலும், முதல் பாதியில் பெங்களூரு அணி 13-10 என்ற புள்ளிகளைப் பெற்று முன்னிலையில் இருந்தது.

ஆட்டத்தின் இறுதியில் புனே அணி சிறப்பாக செயல்பட்டது. கடைசி ஐந்து நிமிடத்தில் புனே அணி வீரர்கள் அபாரமாக ஆடினர். இதனால் 27 -25 என்ற புள்ளிக்கணக்கில் பெங்களூரு அணியை வீழ்த்தி வெற்றி பெற்றது. புனே அணிக்கு இது 5-வது வெற்றியாகும். #ProKabaddi #PuneriPaltan #BengaluruBulls