கனெக்டிகட் ஓபனில் இருந்து நம்பர் ஒன் வீராங்கனை சிமோனா ஹாலெப் விலகல்

உலக டென்னிஸ் தரவரிசையில் சிமோனா ஹாலெப் நம்பர் ஒன் இடத்தில் இருக்கிறார். இவர் கடந்த வாரம் நடைபெற்ற சின்சினாட்டி ஒபன் இறுதிப் போட்டியில் கிகி பெர்ட்டென்ஸ் இடம் தோல்வியடைந்து சாம்பியன் பட்டத்தை தவிறவிட்டார்.

வருகிற 27-ந்தேதி கிராண்ட் ஸ்லாம் தொடர் நடைபெறுகிறது. இந்த தொடருக்கு சிறப்பான வகையில் தயாராகுவதற்காக கனெக்டிகட் ஓபனில் இருந்து விலகியுள்ளார்.



இதுகுறித்து ஹாலெப் கூறுகையில் ‘‘அமெரிக்க ஓபனுக்கு திரும்ப நேரம் தேவைப்படுகிறது. நான் இந்த தொடரில் விளையாட உண்மையிலேயே அதிக ஆர்வமாக இருந்தேன். ஏராளமான ரசிகர்கள் டிக்கெட் வாங்கி என்னை பார்க்க வந்ததை நான் பார்த்திருக்கிறேன். ஆனால் என்னுடைய காலில் அதிக வலி இருப்பதாக உணர்கிறேன். இதனால் ஓய்வு தேவைப்படுகிறது’’ என்றார்.