நோசோமி ஓகுஹாராவை வீழ்த்தி அரையிறுதிக்கு முன்னேறினார் பிவி சிந்து

உலக பேட்மிண்டன் சாம்பியன்ஷிப் தொடர் சீனாவின் நான்ஜிங் நகரில் நடைபெற்று வருகிறது. பெண்களுக்கான ஒற்றையர் பிரிவு காலிறுதி ஒன்றில் இந்திய வீராங்கனை பிவி சிந்து ஜப்பானைச் சேர்ந்த நோசோமி ஒகுஹாராவை எதிர் கொண்டார்.

இதில் பிவி சிந்து 21-17, 21-19 என நேர்செட் கணக்கில் வெற்றி பெற்று அரையிறுதிக்கு முன்னேறினார். முதல் செட்டில் ஒகுஹாரா 4-1 என முன்னிலையில் இருந்தார். அதன்பின் 7-4 என முன்னிலைப் பெற்றார். அதன்பின் பிவி சிந்து 10-9 என முன்னிலைப் பெற்றார். அதன்பின் 21-17 என பிசி சிந்து முதல் செட்டை கைப்பற்றினார்.



2-வது செட்டில் பிவி சிந்து 11-8 என முன்னிலைப் பெற்றார். அதன்பின் ஸ்கோர் 11-11, 15-15 என சமநிலையில் சென்றது. அதன்பின் பிவி சிந்து 19-18 என முன்னிலைப் பெற்று, 21-19 என 2-வது செட்டை கைப்பற்றினார். பிசி சிந்து அரையிறுதியில் அகேனா யமகுச்சியை எதிரகொள்கிறார்.