ஷூக்களை ஆடையாக மாற்றி அணிந்த ஊர்பி ஜாவேத்
- வீடியோ 5.4 லட்சத்திற்கும் அதிகமானோரால் பார்க்கப்பட்டுள்ளது.
- வீடியோவை பார்த்த பயனர்கள் சிலர் அவரது படைப்பாற்றலை பாராட்டி கருத்துக்களை பதிவிட்டுள்ளனர்.
பிரபல நடிகை ஊர்பி ஜாவேத்தை சமூக வலைதளங்களில் லட்சக்கணக்கான ரசிகர்கள் பின்தொடர்ந்து வருகின்றனர். அவர் அடிக்கடி தனது வலைதள பக்கத்தில் புதிய படங்களை பதிவிடுவார். குறிப்பாக கையில் கிடைக்கும் பொருட்களை எல்லாம் வைத்து ஆடை தயாரித்து அதனை சமூக வலைதளத்தில் வெளியிடுவார். அவற்றில் சில புகைப்படங்கள் சர்ச்சையாவது வழக்கம். எப்போதும் தான் டிரெண்டிங்கில் இருக்க வேண்டும் என்பதற்காக அவர் இவ்வாறு ஆடைகளை வித்தியாசம் காட்டி அணிவதாக கூறப்படுகிறது.
இந்நிலையில் அவர் தனது இன்ஸ்டாகிராம் பக்கத்தில் ஒரு புதிய வீடியோ வெளியிட்டுள்ளார். அதில், ஊர்பி ஒரு ஜோடி ஷூக்களை காட்டுகிறார். பின்னர் அந்த ஷூக்களால் செய்யப்பட்ட உடையை அணிந்து அவர் 'போஸ்' கொடுப்பது போன்று வீடியோ காட்சி உள்ளது.
இந்த வீடியோ 5.4 லட்சத்திற்கும் அதிகமானோரால் பார்க்கப்பட்டுள்ளது. வீடியோவை பார்த்த பயனர்கள் சிலர் அவரது படைப்பாற்றலை பாராட்டி கருத்துக்களை பதிவிட்டுள்ளனர். சிலர் அவரை விமர்சித்துள்ளனர்.