கர்ப்பமாக இருப்பதை கணவர், 10 வயது மகனிடம் வித்தியாசமாக வெளிப்படுத்திய பெண்

சமூக வலைதளங்களில் வைரலாகி வரும் ஒரு வீடியோவில் பெண் ஒருவர் தான் கர்ப்பமாக இருப்பதை தனது கணவர் மற்றும் 10 வயது மகனிடம் வெளிப்படுத்தும் காட்சிகள் வைரலாகி வருகிறது. அதில், அந்த பெண் தான் கர்ப்பமான செய்தியை வெளிப்படுத்த தனது கணவர் மற்றும் 10 வயது மகனை அமர வைத்து அவர்கள் முன்பு ஒரு பெட்டியை வைக்கிறார்.

அதில் ஒரு அழகான பொம்மை மற்றும் கர்ப்ப பரிசோதனை குழாய் இருந்தது. கணவர் அதை திறந்து பார்த்ததும், தனது மனைவி கர்ப்பமானதை அறிந்து ஆனந்த கண்ணீர் வடிக்கிறார். மகனுக்கு என்ன நடக்கிறது என்பதை புரிந்து கொள்ள சிறிது நேரம் ஆனது. அப்போது சிறுவனிடம் அவரது தந்தை, அம்மா கர்ப்பமாக இருக்கிறாள் பாபி என கூறுகிறார்.

அதைக்கேட்டு அந்த மகனும் மகிழ்ச்சி அடைகிறார். இந்த தருணத்திற்காக பல ஆண்டுகளாக பிரார்த்தனை செய்ததாக அந்த பெண் கூறுவது போல காட்சிகள் உள்ளது. இன்ஸ்டாகிராமில் பகிரப்பட்ட இந்த வீடியோ 84 ஆயிரத்துக்கும் மேற்பட்ட பார்வைகளை பெற்றுள்ளது.