கொளத்தூர் தொகுதியில் ‘பரிசு பெட்டகம்’ சின்னத்திற்கு ஆதரவு திரட்டிய சந்தான கிருஷ்ணன்

சென்னை:

அம்மா மக்கள் முன்னேற்ற கழக வடசென்னை தொகுதி வேட்பாளர் பி.சந்தான கிருஷ்ணன் சட்டமன்ற தொகுதி வாரியாக பிரசாரம் செய்து வருகிறார். கொளத்தூர் தொகுதியில் உள்ள அனைத்து வார்டுகளிலும் திறந்த ஜீப்பில் சென்று பரிசு பெட்டகம் சின்னத்திற்கு ஆதரவு திரட்டினார்.

ஒவ்வொரு வீதி வீதியாக சென்று வாக்கு சேகரித்தார். டி.டி.வி. தினகரனின் ஆசி பெற்ற வேட்பாளரான தனக்கு பரிசு பெட்டகம் சின்னத்தில் வாக்களிக்க வேண்டும் என்று கேட்டுக் கொண்டார். தொண்டர்கள் மற்றும் கூட்டணி கட்சி ஆதரவுடன் வாக்கு சேகரித்த பி.சந்தான கிருஷ்ணனுக்கு பெண்கள் உற்சாக வரவேற்பு அளித்தனர். ஆரத்தி எடுத்தனர்.

புதிய சின்னமான பரிசு பெட்டகத்தை வாக்காளர்கள் தெரிந்து கொள்ள வேண்டும் என்ற நோக்கத்தில் பரிசு பொருள் போன்று பெட்டியை செய்து அதனை சுற்றி கலர் தாள் மூலம் சுற்றி ‘பேக்’ செய்திருந்தனர்.

இது வாக்காளர்களை கவர்வதாக அமைந்தது. பிரசாரத்தில் எம்.ஜி.ஆர். மன்ற இணை செயலாளர் வி.எஸ்.பாபு, பகுதி செயலாளர் சுந்தர், ஆனந்தன், டி.வி.நாசர், காவேரி உள்ளிட்ட நிர்வாகிகள் கலந்து கொண்டனர். #LokSabhaElections2019 #AMMK