மேட்டூர் அணை நீர்மட்டம் 118.79 அடியாக சரிவு

மேட்டூர்:

காவிரி நீர்ப்பிடிப்பு பகுதிகளில் மழை இல்லாததால், ஒகேனக்கல் மற்றும் மேட்டூர் அணைக்கான நீர்வரத்து குறைந்து உள்ளது.

ஒகேனக்கல் காவிரியில் இன்று நீர்வரத்து விநாடிக்கு 6,000 கன அடியாக நீடிக்கிறது.

அதே சமயம், மேட்டூர் அணைக்கு விநாடிக்கு 5,067 கன அடியாக இருந்த நீர்வரத்து, நேற்று காலை 4012 கனஅடியாக சரிந்தது.

இன்று காலை நீர்வரத்து சற்று அதிகரித்து விநாடிக்கு 4081 கன அடி தண்ணீர் அணைக்கு வந்து கொண்டிருக்கிறது.

அணையில் இருந்து டெல்டா பாசனத்திற்கு 12000 கன அடியும், கிழக்கு மேற்கு கால்வாய் பாசனத்திற்கு 400 கன அடியும் தண்ணீர் திறந்து விடப்பட்டுள்ளன. நீர் வரத்தை காட்டிலும், நீர் திறப்பு அதிகமாக இருப்பதால், அணையின் நீர்மட்டம் தொடர்ந்து சரிந்து வருகிறது. நேற்று 119.26 அடியாக இருந்த நீர்மட்டம், இன்று 118.79 அடியாக சரிந்துள்ளது.