ஒகேனக்கல்லுக்கு நீர்வரத்து சரிவு

ஒகேனக்கல்:

தமிழக காவிரி கரையோர பகுதிகளில் ஆங்காங்கே பெய்த மழை குறைந்ததால் ஒகேனக்கல் காவிரி ஆற்றில் நீர்வரத்து வினாடிக்கு 7 ஆயிரத்து 500 கன அடியாக நீடித்து வருகிறது.

தமிழக காவிரி கரையோர பகுதிகளில் ஆங்காங்கே பெய்யும் மழை தற்போது குறைந்துள்ளது. இதனால் ஒகேனக்கல் காவிரி ஆற்றில் நீர் வரத்து நாளுக்கு நாள் குறைந்து கொண்டே வருகிறது. இந்த நிலையில் கடந்த 2 நாட்களுக்கு முன்பு வினாடிக்கு 10 ஆயிரம் கன அடியாக இருந்து நீர்வரத்தானது படிப்படியாக குறைந்து நேற்று வினாடிக்கு 8500 கன அடியாக குறைந்தது.

இந்த நிலையில் காவிரி நீர்ப்பிடிப்பு பகுதிகளில் மழையளவு முற்றிலும் குறைந்ததால் ஒகேனக்கல்லுக்கு இன்று வினாடிக்கு 7 ஆயிரத்து 500 கன அடியாக சரிந்து வந்து கொண்டிருக்கிறது.

இந்த நீர்வரத்து காரணமாக ஒகேனக்கல் காவிரி ஆற்றில் உள்ள ஐந்தருவி, சினிபால்ஸ், மெயின் அருவி ஆகிய அருவிகளில் தண்ணீர் ஆர்ப்பரித்துக் கொட்டி செல்கின்றன.