செய்திகள்
பாரதிதாசனின் மகன் மன்னர் மன்னன் காலமானார்
புரட்சிக்கவிஞர் என போற்றப்படும் பாரதிதாசனின் மகன் மன்னர் மன்னன் இன்று காலமானார்.
புதுச்சேரி:
புரட்சிக் கவிஞர் என போற்றப்படும் பாரதிதாசனின் மகன் மன்னர் மன்னன்(92), புதுச்சேரியில் வசித்து வந்தார்.
தமிழறிஞரான இவர் பாரதிதாசனின் வரலாற்றை எழுதியவர். தமிழ் மொழியின் பெருமைகளை பறைசாற்றும் பல நூல்களை எழுதியுள்ளார்.
புதுச்சேரியில் வசித்து வந்த மன்னர் மன்னன் உடல்நலக் குறைவால் இன்று காலமானார். அவரது இறுதிச்சடங்கு நாளை நடக்க உள்ளது.
இவரது சேவையைப் பாராட்டி தமிழக அரசு திரு.வி.க. விருது, கலைமாமணி விருதுகளை அளித்துள்ளது குறிப்பிடத்தக்கது.
மன்னர் மன்னன் மறைவுக்கு தமிழக முதலமைச்சர் பழனிசாமி, திமுக தலைவர் முக ஸ்டாலின் உள்பட பலர் இரங்கல் தெரிவித்துள்ளனர்.