ஜம்மு-காஷ்மீர் சிறப்பு அந்தஸ்து ரத்து: பா.ஜனதாவினர் பட்டாசு வெடித்து மகிழ்ச்சி

ஈரோடு:

ஜம்மு காஷ்மீர் மாநிலத்துக்கு மத்திய அரசு சிறப்பு அந்தஸ்தை ரத்து செய்து உள்ளது.

இதற்கு பல்வேறு தரப்பினர் ஆதரவும் எதிர்ப்பும் தெரிவித்த நிலையில் ஈரோட்டில் மத்திய அரசின் இந்த நடவடிக்கைக்கு பாராட்டு தெரிவித்து பாரதிய ஜனதா கட்சியினர் பட்டாசு வெடித்து மகிழ்ச்சியை கொண்டாடினர்.

இந்த நிகழ்ச்சிக்கு பாரதிய ஜனதா மாவட்ட பொது செயலாளர் குணசேகரன் தலைமை தாங்கினார். மாவட்ட செயலாளர்கள் கலை செல்வன், கிருஷ்ண குமார், மாநில பிரச்சார அணி செயலாளர் சரவணன் உள்பட பலர் கலந்து கொண்டனர்.

இதை போல் ஈரோடு மாவட்டத்தில் பல இடங்களில் பாரதிய ஜனதா கட்சியினர் பட்டாசு வெடித்தனர்.