செய்திகள்
சென்னை ஐகோர்ட் தலைமை நீதிபதியாக பதவியேற்றார் தஹில் ரமணி
சென்னை ஆளுநர் மாளிகையில் இன்று நடந்த விழாவில் ஐகோர்ட் தலைமை நீதிபதியாக தஹில் ரமணி பொறுப்பேற்றுக்கொண்டார். #Tahilramani #HighCourt
சென்னை:
சென்னை ஐகோர்ட் தலைமை நீதிபதியாக இருந்த இந்திரா பானர்ஜி சுப்ரீம் கோர்ட் நீதிபதியாக நியமிக்கப்பட்டார். மும்பை ஐகோர்ட் நீதிபதியாக இருந்த விஜய் கம்லேஷ் தஹில் ரமணி சென்னை ஐகோர்ட் தலைமை நீதிபதியாக நியமிக்கப்பட்டார்.
இந்நிலையில், தஹில் ரமணி பதவியேற்பு விழா சென்னை ஆளுநர் மாளிகையில் இன்று நடந்தது. ஆளுநர் பன்வாரிலால் புரோகித் தஹில் ரமணிக்கு பதவிப்பிரமானம் செய்து வைத்தார். இந்த நிகழ்ச்சியில், முதல்வர் எடப்பாடி பழனிசாமி, அமைச்சர்கள் மற்றும் அதிகாரிகள் பங்கேற்றனர்.