கருணாநிதிக்கு உடல்நலக்குறைவு - தி.மு.க. பிரமுகர்கள் 2 பேர் மாரடைப்பால் உயிரிழப்பு

கோவை:

கோவை அன்னூரை சேர்ந்தவர் கோவிந்தன் (வயது 63). அன்னூர் பேரூராட்சி 3-வது வார்டு தி.மு.க. பிரதிநிதி. தி.மு.க. தலைவர் கருணாநிதியின் உடல்நிலை குறித்த செய்திகளை டி.வி.யில் பார்த்த இவர் வேதனை அடைந்தார். கருணாநிதி உடல் நலம் பெற வேண்டும் என குடும்பத்தினரிடம் கூறிக் கொண்டிருந்தார். இவருக்கு திடீரென மாரடைப்பு ஏற்பட்டு உயிரிழந்தார்.

மற்றொரு சம்பவம்...

காரமடை அருகே தாயனூரை சேர்ந்தவர் பொன்னுசாமி(75). தாயனூர் கிளை தி.மு.க. அவை தலைவராக இருந்தார். கருணாநிதிக்கு உடல்நலக்குறைவு ஏற்பட்டதில் இருந்து மனமுடைந்து காணப்பட்ட இவர் நேற்று மாரடைப்பால் இறந்தார்.

கருணாநிதிக்கு உடல்நலக் குறைவு ஏற்பட்ட வருத்தத்தில் தி.மு.க.வை சேர்ந்த பொள்ளாச்சி பகுதியை சேர்ந்த அம்சகுமார் (65), திருப்பூர் பாப்பான் குளத்தை சேர்ந்த சபரிநாதன்(54), ஊட்டியை சேர்ந்த ராஜேந்திரன்(55) ஆகியோர் மாரடைப்பால் உயிரிழந்தனர் என்பது குறிப்பிடத்தக்கது.