சென்னையில் இருந்து புறப்படும் டெல்லி விமானம் தாமதம்

ஆலந்தூர்:

சென்னை விமான நிலையத்தில் இன்று காலை டெல்லி புறப்பட வேண்டிய விமானம் வரவில்லை. இதனால் அதில் செல்ல இருந்த மத்திய மந்திரி பொன்.ராதாகிருஷ்ணன் உள்பட 162 பயணிகள் அவதி அடைந்தனர்.

சார்ஜாவில் இருந்து வர வேண்டிய அந்த விமானம் மோசமான வானிலை காரணமாக சென்னை வருவதில் தாமதம் ஏற்பட்டது. இதையடுத்து மத்திய மந்திரி பொன்ராதாகிருஷ்ணன் உள்பட 18 பயணிகள் மாற்று விமானத்தில் டெல்லி சென்றனர். மற்ற பயணிகள் இன்று மதியம் வேறு விமானத்தில் புறப்பட்டனர்.