2018 மாருதி சுசுகி ஸ்விஃப்ட்: இந்தியாவில் வெளியானது

புதுடெல்லி:

இந்தியாவில் அதிகம் எதி்ர்பார்க்கப்பட்ட மாருதி சுசுகி ஸ்விஃப்ட் 2018 மாடல் ஆட்டோ எக்ஸ்போவில் அறிமுகம் செய்யப்பட்டுள்ளது. புதிய ஸ்விஃப்ட் மாடல் பெட்ரோல் மற்றும் டீசல் இன்ஜின் ஆப்ஷன்களிலும், முதல் முறையாக டீசல் ஆட்டோமேடிக் மாடல் ஒன்றும் அறிமுகம் செய்யப்பட்டுள்ளது. 

புத்தம் புதிய மாருதி சுசுகி ஸ்விஃப்ட் அந்நிறுவனத்தின் ஹார்டெக்ட் தளத்தை சார்ந்து உருவாக்கப்பட்டிருக்கிறது. புதிய சேசிஸ் ஹேட்ச்பேக் மாடலை உறுதியுடனும் அதிக திடமாகவும் இருக்கிறது. முற்றிலும் புதிய வடிவமைப்பு, முன்பக்கம் பெரிய கிரில், பக் போன்ற ஹெட்லேம்ப், ப்ரோஜெக்டர் லென்ஸ் மற்றும் எல்.இ.டி. டி.ஆர்.எல். உள்ளிட்டவை வழங்கப்பட்டுள்ளது. இத்துடன் டைமண்ட் கட் அலாய் வீல்களும், எல்இடி டெயில் லைட் காரின் தோற்றத்தை முற்றிலும் வித்தியாசமாக வெளிப்படுத்துகிறது.

உள்புறத்தில் பல்வேறு உயர் ரக அம்சங்கள், டூயல்-பாட் இன்ஸ்ட்ரூமென்ட் கிளஸ்டர், புதுவித ஸ்டீரிங் வீல் காருக்கு பிரீமியம் தோற்றத்தை வழங்குகிறது. இத்துடன் ஸ்மார்ட் பிளே இன்ஃபோடெயின்மென்ட் சிஸ்டம், ஆப்பிள் கார் பிளே, ஆண்ட்ராய்டு ஆட்டோ, ஆட்டோ கிளைமேட் கண்ட்ரோல் உள்ளிட்டவை டாப் எண்ட மாடலில் வழங்கப்பட்டுள்ளது.

முந்தைய மாடல்களை விட பின்புற இருக்கைகளில் கால் வைக்க சிறப்பான இடவசதி வழங்கப்பட்டு இருப்பதால், அகலமாகவும், நீண்ட வீல்பேஸ் கொண்டிருக்கிறது. இதன் பூட் கொள்ளளவு 268 லிட்டர்களாக அதிகரிக்கப்பட்டுள்ளது.  

இன்ஜின்களை பொருத்த வரை 1.2 லிட்டர் K-சீரிஸ் பெட்ரோல் ரக இன்ஜின் வழங்கப்பட்டுள்ளது. இந்த இன்ஜின் 82 பி.ஹெச்.பி. பவர், 115 என்.எம். டார்கியூவும், 1.3 லிட்டர் DDiS டீசல் இன்ஜின் 74 பி.ஹெச்.பி. பவர், 190 என்.எம். டார்கியூ மற்றும் இரண்டு இன்ஜின்களிலும் 5-ஸ்பீடு மேனுவல் மற்றும் ஆட்டோமேடிக் கியர்பாக்ஸ் வழங்கப்பட்டுள்ளது. 

இந்தியாவில் புதிய மாருதி சுசுகி ஸ்விஃப்ட் விலை 4.99 லட்சம் (எக்ஸ்-ஷோரூம்ஸ டெல்லி) முதல் துவங்கி டாப் எண்ட் மாடலின் விலை ரூ.7.96 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. புதிய ஸ்விஃப்ட் விநியோகம் இம்மாத இறுதியில் துவங்கலாம் என்றும் முன்பதிவு செய்வோர் ஆறு முதல் எட்டு வாரங்களுக்கு காத்திருக்க வேண்டிய அவசியம் ஏற்படலாம் என எதிர்பார்க்கப்படுகிறது.