கிச்சன் கில்லாடிகள்
முட்டை கொத்து பாஸ்தா

சூப்பரான முட்டை கொத்து பாஸ்தா

Update: 2022-03-31 09:28 GMT
குழந்தைகளுக்கு மிகவும் பிடித்தமான முட்டை கொத்து பாஸ்தாவை செய்வது மிகவும் எளிது. இன்று இந்த ரெசிபியை செய்வது எப்படி என்று பார்க்கலாம்.
தேவையான பொருட்கள்:

பாஸ்தா - 1 கப்
முட்டை - 3
பெரிய வெங்காயம் - 2
தக்காளி - 2
மிளகாய் தூள் - 1 டீஸ்பூன்
கரம் மசாலா - 1/2 டீஸ்பூன்
கொத்தமல்லி - சிறிது
உப்பு - சுவைக்கேற்ப
எண்ணெய் - 2 டீஸ்பூன்
சீரகம் - 1/2 டீஸ்பூன்
பூண்டு - 5 பல்

செய்முறை:

பெரிய வெங்காயம், பூண்டு, தக்காளி, கொத்தமல்லியை பொடியாக நறுக்கி கொள்ளவும்.

பாஸ்தாவை மென்மையாக வேக வைத்து ஒரு டீஸ்பூன் எண்ணெய் ஊற்றி நன்றாக கலந்து வைக்கவும். அப்போது தான் ஒன்றுடன் ஒன்று ஒட்டாது

ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், சீரகம், பூண்டு சேர்த்து தாளித்த பின்பு வெங்காயத்தை சேர்த்து நன்கு வதக்கவும்.

வெங்காயம் நன்றாக வதங்கியதும் தக்காளியை சேர்த்து நன்கு மென்மையாக வதக்க வேண்டும்.

தக்காளி குழைய வதங்கியதும் மிளகாய் தூள், கரம் மசாலா சேர்த்து, சுவைக்கேற்ப உப்பு சேர்த்து நன்கு பச்சை வாசனை போக வதக்க வேண்டும்.

பிறகு அதில் முட்டைகளை உடைத்து ஊற்றி நன்கு கிளறி விட வேண்டும்.

முட்டை நன்றாக வெந்து உதிரியாக வரும் போது அதில் வேக வைத்துள்ள பாஸ்தாவை சேர்த்து 3 நிமிடம் நன்கு கிளறி விட்டு, மேலே கொத்தமல்லியைத் தூவி இறக்கினால், சூப்பரான முட்டை கொத்து பாஸ்தா தயார்.
Tags:    

Similar News