பொங்கல் ஸ்பெஷல்: சாக்லேட் பொங்கல்

தேவையான பொருட்கள்

வரகு அரிசி - 1 கப்
சிறுபருப்பு - கால் கப்
தண்ணீர்  - 2 கப்
கோகோ பவுடர் - கால் கப்
நாட்டு சர்க்கரை - 2 கப்
பால் - 1 கப்+அரை கப்
ஏலக்காய் தூள் - அரை டீஸ்பூன்
நெய் - கால் கப்
முந்திரி, திராட்சை - தேவையான அளவு

செய்முறை

குக்கரை அடுப்பில் வைத்து சூடானதும் நெய் ஊற்றி சிறுபருப்பை போட்டு சிவக்க வறுக்கவும்.

அடுத்து அதில் வரகு அரிசியை போட்டு சிவக்க வறுக்கவும்.

அடுத்து அதில் 1 கப் பால், 2 கப் தண்ணீர் ஊற்றி நன்றாக கலந்து குக்கரை மூடி 3 விசில், 10 நிமிடம் மிதமான தீயில் வைத்து குக்கரை அணைக்கவும்.

கடாயை அடுப்பில் வைத்து சிறிது நெய் ஊற்றி சூடானதும் முந்திரி, திராட்சையை போட்டு வறுத்து தனியாக வைக்கவும்.

பின்னர் அதே கடாயில் வேக வைத்த அரிசியை போட்டு பால் சேர்த்து அடுப்பை மிதமான தீயில் வைத்து கோகோ பவுடர் சேர்த்து நன்றாக கலக்கவும்.

அடுத்து அதில் நாட்டு சர்க்கரை, ஏலக்காய் தூள் சேர்த்து திக்கான பதம் வரும் வரை கிளறி விடவும். இடையிடையே நெய்யை சேர்த்து கொண்டே வரவும்.

கடைசியான வறுத்த முந்திரி, திராட்சை சேர்த்து கலந்து இறக்கி பரிமாறவும்.

சூப்பரான சாக்லேட் பொங்கல் ரெடி.