ஆன்மிகம்

சிவராத்திரி விரதமும், வகைகளும்

Published On 2019-03-08 06:14 GMT   |   Update On 2019-03-08 06:14 GMT
சிவபெருமானுக்கு உகந்த விரதங்களுள் சிவராத்திரி விரதம் முக்கியமானது. எந்த சிவராத்திரி சிவபெருமானுக்கு மிகவும் விசேஷமானது என்பது பற்றி அறிந்து கொள்ளலாம்.
1. மகா சிவராத்திரி:- மாசி மாதத்து தேய்ப்பிறைச் சதுர்த்தசி கூடிய நாளே மகா சிவராத்திரியாகும். அந்த நாள் சிவனுக்கே உரியது.

2. யோக சிவராத்திரி:- சோமவார சம்பந்தமாக வரும் யோக சிவராத்திரி நான்கு வகைப்படும். சோம வாரத்தன்று சூரிய உதயகாலம் தொட்டு இரவு முழுவதும் அமாவாசை இருக்குமானால் அன்று யோக சிவராத்திரியாகும்.

3. நித்திய சிவராத்திரி:- வருடத்தின் 12 மாதங்களிலும் வரும் தேய்பிறை வளர்பிறைகளின் சதுர்த்தசி கூடிய 24 நாட்களும் நித்திய சிவராத்திரியாகும்.

4. பட்ச சிவராத்திரி:- தை மாதத்தின் தேய்பிறைப் பிரதமையன்று தொடங்கி 13 நாள் வரையில் தினமும் நியமத்துடன் ஒரு பொழுது மட்டும் உண்டு 14-ஆம் நாளாகிய சதுர்த்தசியன்று விதிப்படி விரதம் நோற்பது பட்ச சிவராத்திரியாகும்.

5. மாத சிவராத்திரி:- ஒவ்வொரு மாதத்தில் வருகின்ற சிவராத்திரி மாத சிவராத்திரியாகும் அன்று சிவபுராணம் படித்துச் சிவனைப் போற்றினால் வராத நன்மை நம்மை தேடி நாடி வரும்.
Tags:    

Similar News