அழகப்பபுரம் புனித காணிக்கை அன்னை திருவிழாவில் தேரோட்டம்

அழகப்பபுரம் புனித அந்தோணியார் ஆலயத்தில் புனித காணிக்கை அன்னை திருவிழா கடந்த 24-ந் தேதி தொடங்கி நேற்று வரை நடந்தது. திருவிழா நாட்களில் ஜெபமாலை பவனி, மறையுரை, நற்கருணை ஆசீர், திருப்பலி போன்றவை நடந்தன. திருவிழாவின் 9-வது நாளான நேற்று முன்தினம் சாத்தான்குளம் வட்டார முதன்மைகுரு ரெமிஜியுஸ் தலைமையில் மாலை ஆராதனையும், இரவு 10 மணிக்கு தேர்ப்பவனியும் நடந்தது.

விழாவின் இறுதி நாளான நேற்று அதிகாலை வடக்கன்குளம் வட்டார முதன்மைகுரு ததேயுஸ் ராஜன் தலைமையிலும், காலை 7 மணிக்கு செட்டிவிளை பங்குதந்தை பீட்டர் பால் தலைமையிலும் திருப்பலி நடந்தது. மதியம் 2 மணிக்கு புனித காணிக்கை அன்னையின் தேர்ப்பவனியும், இரவு நற்கருணை ஆசீரும் நடந்தன. தேரோட்டத்தில் ஏராளமானோர் கலந்து கொண்டனர்.

இதற்கான ஏற்பாடுகளை பங்குதந்தை மைக்கிள் ஜெகதீஸ், உதவி பங்குதந்தை சூசைமணி, பங்கு பேரவையினர் மற்றும் பங்கு மக்கள் செய்திருந்தனர்.