மதுரை ஞானஒளிவுபுரம் புனித வளனார் ஆலய திருவிழா

மதுரை ஞானஒளிவுபுரம் புனித வளனார் ஆலய திருவிழா கொடியேற்றத்துடன் நேற்று தொடங்கியது. கொடைக்கானல் பெருமாள்மலை பங்குத் தந்தை லூயிஸ் கொடியேற்றி விழாவை தொடக்கி வைத்து சிறப்பு திருப்பலி நடத்தினார்.

அடுத்த (மே) மாதம் 1-ந்தேதி வரை நடைபெறும் இந்த திருவிழாவில் தினமும் மாலை பல்வேறு பகுதிகளின் அருட்தந்தையர்கள் கலந்து கொண்டு பல தலைப்புகளில் சிறப்பு திருப்பலி நடத்துகிறார்கள்.

முக்கிய நிகழ்வாக வருகிற 30-ந்தேதி மாலை திருப்பலி முடிந்ததும் புனித வளனார் உருவம் தாங்கிய தேர்பவனி நடக்கிறது. மறுநாள் 1-ந்தேதி காலை திருவிழா திருப்பலியும், குழந்தைகளுக்கு புதுநன்மை வழங்கும் விழாவும், மாலையில் திவ்ய நற்கருணை பவனியும் நடைபெறுகின்றன. அதனைதொடர்ந்து கொடியிறக்கத்துடன் திருவிழா நிறைவு பெறுகிறது.