சினிமா
விஜய் கந்தசாமி இயக்கத்தில் சிவநிஷாந்த், நீருஷா நடிப்பில் உருவாகி இருக்கும் ‘துப்பாக்கியின் கதை’ படத்தின் முன்னோட்டம்.
பி.ஜி.பி. எண்டர்பிரைசஸ் சார்பில் பி.ஜி.பிச்சைமணி தயாரிப்பில் உருவாகி இருக்கும் படம் ‘துப்பாக்கியின் கதை’. இயக்குனர் விஜய் கந்தசாமி இயக்கியுள்ள இந்தப் படத்தில் சிவநிஷாந்த் என்பவர் ஹீரோவாக நடிக்க, பெங்களூருவை சேர்ந்த நீருஷா என்பவர் கதாநாயகியாக நடித்துள்ளார். மேலும் டேனியல், ஆர்.எஸ்.சிவாஜி, ஜார்ஜ், மிப்புசாமி, இலங்கை நடிகர் லால்வீர்சிங் ஆகியோர் முக்கியமான கதாபாத்திரத்தில் நடித்துள்ளனர். சாய் பாஸ்கர் என்பவர் இப்படத்தின் இசையமைப்பாளராக அறிமுகம் ஆகிறார்.
துப்பாக்கியின் கதை படக்குழு
படத்தை பற்றி இயக்குனர் விஜய் கந்தசாமி கூறியதாவது: “ஆக்ஷன் த்ரில்லர் கதையம்சம் கொண்ட ‘துப்பாக்கியின் கதை’ திரைப்படம், குடும்பத்துடன் பார்க்கக் கூடிய, இளைஞர்கள் ரசிக்கக்கூடிய படமாக உருவாகி இருக்கிறது. படத்தின் கதை உண்மையிலேயே ஒருவரது வாழ்க்கையில் நடந்த நிகழ்வை மையப்படுத்தி அதன் தாக்கத்தில் உருவான கதை தான். படம் பார்க்கும்போது இந்த நிகழ்வு எங்கே நடந்தது, யாருக்கு நடந்தது என்பதை ரசிகர்கள் நன்றாகவே தெரிந்து கொள்வார்கள்” என்றார்.