சினிமா
அச்சம் மடம் நாணம் பயிர்ப்பு படத்தின் போஸ்டர்

அச்சம் மடம் நாணம் பயிர்ப்பு

Published On 2021-07-26 13:28 GMT   |   Update On 2021-07-26 13:28 GMT
ராஜா ராமமூர்த்தி இயக்கத்தில் அக்‌ஷரா ஹாசன் முதன்மை கதாபாத்திரத்தில் நடித்துள்ள ‘அச்சம் மடம் நாணம் பயிர்ப்பு’ படத்தின் முன்னோட்டம்.
கமல்ஹாசனின் இளைய மகள் அக்ஷரா ஹாசன் முதல்முறையாக ‘அச்சம் மடம் நாணம் பயிர்ப்பு’ படத்தில் முதன்மை நாயகியாக நடித்துள்ளார். பிரபல பாடகி உஷா உதூப் அக்‌ஷரா ஹாசனின் பாட்டியாக நடிக்கிறார். பெண்கள் கூட்டம் மிகுந்திருக்கும் இந்தப்படக்குழுவில் மால்குடி சுபா, அஞ்சனா ஜெயப்பிரகாஷ், ஜானகி சபேஷ் கலைராணி, ஷாலினி விஜயகுமார், சித்தார்தா சங்கர், சுரேஷ் மேனன், ஜார்ஜ் மரியன் மற்றும் கிரன் கேஷவ் நடிக்கிறார்கள். 

ராஜா ராமமூர்த்தி இயக்கி இருக்கிறார். ஷ்ரேயா தேவ் டூபே ஒளிப்பதிவு செய்துள்ள இப்படத்திற்கு சுஷா இசையமைத்துள்ளார். படத்தொகுப்பு பணிகளை கீர்த்தனா முரளி மேற்கொண்டுள்ளார். 


அக்‌ஷரா ஹாசன்

படத்தை பற்றி இயக்குனர் கூறியதாவது: சமூகத்தை பொருத்தவரை, ‘அச்சம் மடம் நாணம் பயிர்ப்பு’ என்ற 4 பண்புகளும் ஒரு நல்ல பெண்ணின் தகுதியாக கருதப்படுகிறது. அப்படி நான்கு பண்புகளும் அமையப்பெற்ற ஒரு நல்ல பெண்ணை பற்றிய கதை இது. என கூறி உள்ளார்.
Tags:    

Similar News