சினிமா
சாம் பிரவீன் இயக்கத்தில் வெற்றி, டயானா அமீது, பார்வதி நடிப்பில் உருவாகி இருக்கும் ‘மெமரீஸ்’ படத்தின் முன்னோட்டம்.
சஸ்பென்ஸ்-திகிலுடன் கூடிய ‘மெமரீஸ்’ என்ற படம், அடர்ந்த காட்டுக்குள் படமாகி இருக்கிறது. அதில் கதாநாயகனாக வெற்றி நடித்து இருக்கிறார். இவர், ‘8 தோட்டாக்கள், ’ ‘ஜீவி’ ஆகிய படங்களில் நடித்தவர். அவருக்கு ஜோடியாக டயானா அமீது, பார்வதி ஆகிய 2 கதாநாயகிகள் நடித்து இருக்கிறார்கள். சாம் பிரவீன் இயக்கியிருக்கிறார். சிஜூ தமீன்ஸ் தயாரித்து இருக்கிறார்.
‘மெமரீஸ்’ படத்தை பற்றி அவர் கூறியதாவது: ‘‘இது ஒரு சஸ்பென்ஸ் திகில் படம். காதலும் இருக்கிறது. மேலும் இது ஒரு புதிய முயற்சி. பெரும் பகுதி காட்சிகளை அடர்ந்த காட்டுக்குள் படமாக்கி இருக்கிறோம்.
வெற்றி
படத்தின் கதை எனவென்றால் ‘‘ஒரு வனப்பகுதி. அங்கு ஒரு பாழடைந்த கட்டிடம். அந்த இடத்தில் கதாநாயகன் கண் விழிக்கிறார். நினைவாற்றலை இழந்த அவருக்கு மருத்துவ உதவி கிடைக்கிறது. டாக்டரிடம் அவர், ‘‘நான் யார்?’’ என்று கேட்கிறார். ‘‘முதலில் உன்னை யார் என்று நீயே கண்டுபிடி’’ என்கிறார், டாக்டர்.
தான் யார் என்று கண்டுபிடிக்க கதாநாயகன் மீண்டும் வனப்பகுதிக்குச் செல்கிறார். அவர் யார்? என்பதை கண்டுபிடித்தாரா? என்பது உச்சக்கட்ட காட்சியாக வைக்கப்பட்டு இருக்கிறது’’. இவ்வாறு சாம் பிரவீன் தெரிவித்துள்ளார்.