சினிமா
ஏ.செந்தில்குமார் இயக்கத்தில் விஜய் ஆண்டனி, இந்துஜா நடிப்பில் உருவாகி இருக்கும் ‘காக்கி’ படத்தின் முன்னோட்டம்.
விஜய் ஆண்டனி நடிப்பில் உருவாகி உள்ள திரைப்படம் ‘காக்கி’. இந்தப் படத்தில் விஜய் ஆண்டனி போலீஸ் அதிகாரியாக நடித்துள்ளார். அவருடன் சத்யராஜ், ஸ்ரீகாந்த் ஆகியோரும் போலீஸ் அதிகாரி வேடங்களில் நடித்து இருக்கிறார்கள். சாந்தனு நடித்த ‘வாய்மை’ படத்தை இயக்கிய ஏ.செந்தில்குமார் இப்படத்தை இயக்கி உள்ளார்.
காக்கி படத்தில் விஜய் ஆண்டனிக்கு ஜோடியாக இந்துஜா நடித்துள்ளார். மேலும் ரவிமரியா, ஜான் விஜய், ஈஸ்வரிராவ் ஆகியோர் முக்கிய வேடங்களில் வருகிறார்கள். மனோஜ் பரமஹம்சா ஒளிப்பதிவு செய்துள்ள இப்படத்திற்கு கவிஞர் வைரமுத்து பாடல்களை எழுத, அவ்கத் இசையமைத்துள்ளார்.