சினிமா
ரா.சுப்ரமணியன் இயக்கத்தில் சீமான், ஆர்கே சுரேஷ் மற்றும் அனு சித்தாரா நடிப்பில் உருவாகி வரும் அமீரா படத்தின் முன்னோட்டம்.
சீமான் மற்றும் ஆர்கே சுரேஷ் கதாநாயகர்களாக நடிக்கும் படம் அமீரா. பிரபல மலையாள நடிகை அனு சித்தாரா கதாநாயகியாக நடிக்கும் இப்படத்தை சீமானிடம் உதவி இயக்குநராகப் பணியாற்றிய ரா.சுப்ரமணியன் என்பவர் இயக்கியுள்ளார். மேலும் எம்.எஸ்.பாஸ்கர், இளவரசு, கூத்துப்பட்டறை ஜெயகுமார், வினோதினி மற்றும் பலர் இதில் நடித்து வருகின்றனர்.
பல சர்வதேச விருதுகளைக் குவித்த டூலெட் படத்தின் இயக்குநரும் ஒளிப்பதிவாளருமான செழியன் ஒளிப்பதிவு செய்யும் இப்படத்திற்கு விஷால் சந்திரசேகர் இசையமைக்கிறார். அமீரா என்றால் இளவரசி என அர்த்தம். இஸ்லாமியப் பெண் ஒருவரைச் சுற்றி நடக்கும் பிரச்சனைகளைப் பற்றிய கதை இது என்பதால் அமீரா என பெயர் வைத்துள்ளனர்.