சினிமா
அறிமுக இயக்குனர் ஜெகன் சக்தி இயக்கத்தில் அக்ஷய் குமார், வித்யா பாலன், டாப்சி நடிப்பில் உருவாகி இருக்கும் 'மிஷன் மங்கல்' படத்தின் முன்னோட்டம்.
ஃபாக்ஸ் ஸ்டார் ஸ்டுடியோஸ், கேப் ஆஃப் குட் பிலிம்ஸ் மற்றும் ஹோப் புரொடக்ஷன்ஸ் தயாரப்பில் அக்ஷய் குமார் மற்றும் வித்யா பாலன் முன்னணி பாத்திரங்களில் நடித்து திரைக்கு வரவிருக்கும் திரைப்படம் 'மிஷன் மங்கல்'. இப்படத்தை அறிமுக இயக்குனர் ஜெகன் சக்தி இயக்கியுள்ளார்.
மேலும் இப்படத்தில் டாப்ஸி பன்னு, சோனாக்ஷி சின்ஹா, நித்யா மேனன், கீர்த்தி குல்ஹாரி மற்றும் ஷர்மன் ஜோஷி ஆகியோர் முக்கிய கதாபாத்திரத்தில் நடித்துள்ளனர். ரவி வர்மன் ஒளிப்பதிவு செய்துள்ள இப்படத்திற்கு அமித் திரிவேதி இசையமைத்துள்ளார்.
சந்தன் அரோரா எடிட்டிங்கை கவனிக்கிறார்.
படம் குறித்து இயக்குனர் ஜெகன் சக்தி கூறுகையில், நடைமுறை வாழ்க்கையில் எளிமையாக வாழும் சாதாரண ஆண்களும் பெண்களும் எப்படி அசாதாரணமானவர்களாக இருக்கிறார்கள் என்பது பற்றிய கதை இது. இந்த மிஷன் மங்கல் படம் இஸ்ரோ வெற்றி கண்ட மங்கல்யான் பற்றியது, இந்த பணி ஒரு கூட்டு வெற்றியாகும், மேலும் அதன் வெற்றி அனைவரது வெற்றி என்பதால் இந்தப் படம் சுயசரிதையாக மாற்றவில்லை என கூறினார்.