தகடு

ராகதேவி புரொடக்ஷன்ஸ் பட நிறுவனம் சார்பாக ராஜேந்திரன் குப்புசாமி தயாரிக்கும் படம் “தகடு”. இதில் பிரபா, அஜய் இருவரும் கதாநாயகர்களாக நடிக்கிறார்கள். கதாநாயகியாக சனம் ஷெட்டி நடிக்கிறார். இவர்களுடன் ராஜ்கபூர், சபிதா ஆனந்த், நெல்லை சிவா, அவன் இவன் ராமராஜன், ஆர்.தீபக் ராஜ், மிப்பு, ராம் கிரண், பிரியங்கா சுக்லா, ஹாசிகா, ஆயிஷா ஆகியோர் நடிக்கிறார்கள்.

ஒளிப்பதிவு-எஸ்.கார்த்திகேயன், இசை-சார்லஸ் மெல்வின்.எம், பாடல்கள்-இளைய கம்பன், எடிட்டிங்-சுரேஷ் அர்ஷ், ஸ்டண்ட்-சூப்பர் குட் ஜீவா, நடனம்- அஜய் சிவ சங்கர், ராக் சங்கர். கதை, திரைக்கதை, வசனம், இயக்கம்-எம்.தங்கதுரை.

படம் பற்றி இயக்குனர் எம்.தங்கதுரை கூறும் போது...

“பேராசையால் உலகையே அடைய நினைத்த பல மன்னர்கள் அழிந்த கதை உண்டு. இன்றுவரை அந்த பேராசை ஏதோ ஒரு வடிவில் உலாவி கொண்டு தான் இருக்கிறது. அப்படி பேராசை கொண்ட ஒருவனோடு பயணிக்கும் கல்லூரி மாணவர்களின் ஒரு அசாத்தியமான பயணம் தான் இந்த ‘தகடு’.

கல்லூரியில் வரலாறு பாடம் படிக்கும் நாயகன் மற்றும் அவரது நண்பர்கள் வரலாறு சம்பந்தபட்ட ஒரு இடத்தை தேடி போகிறார்கள். அப்போது முக்கியமான ஒன்றை பார்கிறார்கள். அது என்ன-? அதனால் அவர்களுக்கு என்ன நேர்ந்தது? என்பது திரைக்கதை.

இந்த படத்திற்காக ஆந்திராவில் உள்ள கங்குந்தி கோட்டையில் முதன் முறையாக படிப்பிடிப்பு நடத்தினோம். இதற்காக நான்கு கிலோ மீட்டர் நடந்து சென்று கஷ்டப்பட்டு படப்பிடிப்பு நடத்தினோம் ” என்றார்.