விருந்து கொடுத்து மாமியாரை சரிக்கட்டிய நடிகை

நயன நடிகையும், சிவமான இயக்குனரும் தற்போது காதலர்களாக கோலிவுட்டில் வலம்வருவதாக செய்திகள் அடிபடுகிறது. இந்த செய்தியை இரண்டு பேர் தரப்பிலிருந்தும் மறுக்காததால் இதுதான் உண்மையென்று பலரும் நம்பிக் கொண்டிருக்கின்றனர். அதை உறுதிப்படுத்தும் விதமாகவே இருவரும் அடிக்கடி ஒன்றாக ஊர் சுற்றி வருகிறார்களாம்.

நயன நடிகையின் காதலருடைய அம்மா முன்னாள் போலீஸ் அதிகாரியாம். அவர் பதவியில் இருந்த காலத்தில் ஏரியாவில் சண்டித்தனம் செய்த பல ரவுடிகளை அடக்கியவராம். இதனால் ஆரம்பத்தில் தங்கள் காதல் விஷயம் அவருக்கு தெரிந்துவிட்டால் என்னாகுமோ? என்ற பயம் நயன நடிகைக்கு இருந்ததாம்.

ஆனால், அவருடன் நெருங்கி பழக ஆரம்பித்தபோதுதான் சிவமான இயக்குனரின் அம்மா மிகவும் மென்மையானவர் என்பது நயன நடிகைக்கு தெரிய வந்ததாம். தனது அன்பை வெளிப்படுத்தும்விதமாக தனது வருங்கால மாமியாரை சென்னையில் தான் தங்கியிருக்கும் வீட்டிற்கு அழைத்து விருந்து கொடுத்து அசத்தியிருக்கிறாராம் நயன நடிகை. இதனால், நயன நடிகை மீது சிவமான இயக்குனரின் அம்மாவுக்கு நல்ல அபிப்பிராயம் எழுந்துள்ளதாக கூறப்படுகிறது.