சினிமா
எல்வின், ராகவா லாரன்ஸ்

ஹீரோவாக அறிமுகமாகும் ராகவா லாரன்ஸின் சகோதரர்

Published On 2021-06-21 08:48 GMT   |   Update On 2021-06-21 08:48 GMT
ராகவா லாரன்ஸின் தம்பி எல்வின் ஹீரோவாக நடிக்கும் படத்தில் நடிகர் ராஜ்கிரணும் முக்கிய கதாபாத்திரத்தில் நடிக்க உள்ளாராம்.
தமிழ் திரையுலகில் நடன இயக்குனர், நடிகர், இயக்குனர் என பன்முகத்திறமை கொண்டவராக விளங்குபவர் ராகவா லாரன்ஸ். இவர் இயக்கி நடித்த காஞ்சனா படத்தின் மூன்று பாகங்களும் ரசிகர்களிடையே மாபெரும் வரவேற்பை பெற்று சூப்பர் ஹிட்டானது. இதைத்தொடர்ந்து காஞ்சனா முதல் பாகத்தை இந்தியில் ‘லட்சுமி’ என்ற பெயரில் ரீமேக் செய்து வெளியிட்ட ராகவா லாரன்ஸ், தற்போது ருத்ரன், சந்திரமுகி 2ம் பாகம் போன்ற படங்களில் நடித்து வருகிறார்.


எல்வின்

இந்நிலையில், ராகவா லாரன்ஸின் தம்பி எல்வினும் ஹீரோவாக அறிமுகமாக உள்ளார். எல்வினின் பிறந்தநாளான இன்று, அவர் நடிக்கும் முதல் படம் குறித்த அதிகாரப்பூர்வ அறிவிப்பு வெளியாகி உள்ளது. அதன்படி ராட்சசன், ஓ மை கடவுளே, மரகதநாணயம் போன்ற பல்வேறு வெற்றிப் படங்களை தயாரித்த அக்சஸ் பிலிம் பேக்ட்ரி நிறுவனம் தான், எல்வின் ஹீரோவாக அறிமுகமாகும் படத்தையும் தயாரிக்க உள்ளது. மேலும் இப்படத்தில் நடிகர் ராஜ்கிரணும் முக்கிய கதாபாத்திரத்தில் நடிக்க உள்ளாராம். 
Tags:    

Similar News