சினிமா
அதிரடி மாற்றங்களுடன் சீன மொழியில் ரீமேக் ஆகும் ‛திரிஷ்யம் 2’
ஜீத்து ஜோசப் இயக்கத்தில் மோகன்லால், மீனா நடித்த திரிஷ்யம் 2 திரைப்படம் அடுத்ததாக சீன மொழியில் ரீமேக் ஆக உள்ளதாம்.
மலையாளத்தில் கடந்த 2013ம் ஆண்டு வெளியான படம் திரிஷ்யம். ஜீத்து ஜோசப் இயக்கத்தில் மோகன்லால், மீனா நடித்த இந்தப் படத்தை இந்திய திரையுலகே வியந்து பாராட்டியது. மலையாளத்தில் 100 கோடிக்கு மேல் வசூலித்து சாதனை படைத்த திரிஷ்யம் படம், தமிழிலும் கமல்ஹாசன், நடிக்க பாபநாசம் என்ற பெயரில் ரீமேக் ஆகி வரவேற்பை பெற்றது.
பின்னர் தெலுங்கு, கன்னடம், இந்தி போன்ற இந்திய மொழிகளிலும், கடந்த 2019ம் ஆண்டு சீன மொழியிலும் ரீமேக் செய்யப்பட்டது. குறிப்பாக சீன மொழியில் ரீமேக் செய்யப்பட்ட போது, சீன அரசின் சட்ட திட்டங்களுக்கு ஏற்ப கிளைமாக்ஸ் காட்சியை நாயகன் போலீசில் சரணடைவது போல் மாற்றி இருந்தனர். இதற்கும் வரவேற்பு கிடைத்தது.
திரிஷ்யம் 2 படத்தில் மோகன்லால்
சமீபத்தில் மோகன்லால் மீனா நடிப்பில் திரிஷ்யம் 2-ம் பாகமும் வெளியாகி வரவேற்பை பெற்றுள்ளதால், இந்த படத்தையும் சீன மொழியில் ரீமேக் செய்ய உள்ளனர்.
திரிஷ்யம் முதல் பாக ரீமேக்கைப் போல் தற்போது 2-ம் பாகத்தின் திரைக்கதையிலும் லேசான மாற்றம் செய்ய உள்ளனர். திரிஷ்யம் 2 சீன ரீமேக்கை சாம்குவாவே இயக்க உள்ளார்.