சினிமா
வைரலாகும் பிரபல நடிகரின் இளமை புகைப்படம்
தமிழ் திரை உலகில் இயக்குனர், நடிகர், தயாரிப்பாளர் போன்ற அவதாரங்களில் ஜொலித்து வரும் பிரபலமானவரின் இளமைக்கால புகைப்படம் ஒன்று வைரலாகி வருகிறது.
ரஜினிகாந்த் நடித்த ’ஊர்காவலன்’, விஜயகாந்த் நடித்த சிறைப்பறவை, என் புருஷன் தான் எனக்கு மட்டும் தான், மூன்றெழுத்தில் என் மூச்சிருக்கும், கருப்பு நிலா உள்பட சுமார் 20க்கும் மேலான திரைப்படங்களை இயக்கியவர் மனோபாலா.
மேலும் இவர் நூற்றுக்கும் மேலான திரைப்படங்களில் காமெடி மற்றும் குணசித்திர வேடங்களில் நடித்துள்ளார். ’சதுரங்க வேட்டை’ ’பாம்பு சட்டை’ உள்ளிட்ட படங்களை தயாரித்தும் இருக்கிறார்.
மனோ பாலா
இந்த நிலையில் சமூக வலைதளங்களில் ஆக்டிவ்வாக இருக்கும் மனோபாலா சற்று முன்னர் தனது இளமைக்கால புகைப்படம் ஒன்றை பகிர்ந்து இருக்கிறார். அந்த புகைப்படத்தில் அவர் நீண்ட தலைமுடியுடன் இப்போது உள்ளது போன்றே ஒல்லியான உடலமைப்புடன், கண்ணாடியுடன் காணப்படுகிறார். கருப்பு வெள்ளையில் உள்ள இந்த புகைப்படம் தற்போது வைரலாகி வருகிறது.