சினிமா
கிரிக்கெட்

படப்பிடிப்புக்கு செல்லாமல் கிரிக்கெட் பார்த்த படக்குழுவினர்

Published On 2021-01-19 15:39 GMT   |   Update On 2021-01-19 15:39 GMT
இந்தியா மற்றும் ஆஸ்திரேலியா அணிகளுக்கு இடையேயான கிரிக்கெட் போட்டியை படக்குழுவினர் படப்பிடிப்புக்கு செல்லாமல் பார்க்கும் வீடியோ வைரலாகி வருகிறது.
இந்தியா மற்றும் ஆஸ்திரேலியா கிரிக்கெட் அணிகளுக்கு இடையே இன்று பிரிஸ்பேன் நகரில் நடைபெற்ற 4வது டெஸ்ட் கிரிக்கெட் போட்டியில் கடைசி நேரத்தில் இந்தியா 3 விக்கெட் வித்தியாசத்தில் வெற்றி பெற்றது. தமிழக வீரர்களான நடராஜன் மற்றும் வாஷிங்டன் சுந்தர் ஆகியோர் அறிமுகமான இந்த போட்டியில் இந்தியா வெற்றி பெற்றுள்ளது.

இந்த நிலையில் கிரிக்கெட் போட்டி பார்க்கும் ஆர்வத்தில் படப்பிடிப்புக்கான ஷாட் ரெடி ஆகியும் கிரிக்கெட் பார்த்துக் கொண்டிருந்த வீடியோ ஒன்றை நடிகர் சதீஷ் தனது சமூக வலைத்தள பக்கத்தில் வெளியிட்டுள்ளார். 

அதில், இந்தியா ஆஸ்திரேலியா கிரிக்கெட் டெஸ்ட் போட்டியின் கடைசி நேர ஆட்டத்தை சதீஷ், அசோக் செல்வன், நடிகை பிரியா பவானிசங்கர் ஆகியோர் பார்த்துக் கொண்டிருந்தார்கள். அப்போது ஒருவர் வந்து ’ஷாட் ரெடி’ என்று கூற ’நாங்களும் ஒரே ஒரு ஷாட்டுக்கு தான் வெயிட்டிங், கொஞ்சம் பொறுங்கள்’ என்று கூறி மொபைல் போனில் கிரிக்கெட் பார்த்துக் கொண்டிருக்கிறார்கள். இந்த வீடியோ தற்போது வைரலாகி வருகிறது.


Tags:    

Similar News