என் படம் விருது பெற்றும் எனக்கு வருத்தம்தான் - போஸ் வெங்கட்

வித்யூத் விஜய், கவுஷிகா நடிப்பில் உருவான ‘வெட்டி பசங்க‘ படத்தின் இசை வெளியீட்டு விழா சென்னையில் நடைபெற்றது. இதில் நடிகரும் இயக்குனருமான போஸ் வெங்கட் கலந்துக் கொண்டார்.

அதன்பின் பேசும்போது, இந்த படம் மிகப்பெரிய வெற்றியடைய வேண்டும். விருதுகள் பெற்று, சிறந்த விமர்சனங்களைப் பெற்று மக்களிடையே என் படம் சென்றடையவில்லை என்பது வருத்தமாக இருக்கிறது. சிறிய படங்களுக்கு ஆதரவு தருவோம் என்று சொல்வதைவிட செயல்வடிவில் செய்தால் தான் அப்படம் வெற்றியடையும். இயக்குனர் மஸ்தான் என்னுடைய குடும்ப நண்பர்.’. இவ்வாறு அவர் கூறினார். 

இயக்குனர் போஸ் வெங்கட் சமீபத்தில் கன்னி மாடம் என்ற படத்தை இயக்கி இருந்தார். இப்படம் டொரோண்டோ தமிழ் திரைப்பட விழாவில் விருது பெற்றது என்பது குறிப்பிடத்தக்கது.