சினிமா
அஜித் ரசிகரின் ஆட்டோ பின் எழுதப்பட்டுள்ள வாசகம்

‘வலிமை அப்டேட்டிற்காக வெயிட்டிங்’ - வைரலாகும் அஜித் ரசிகரின் ஆட்டோ வாசகம்

Published On 2021-01-10 11:59 GMT   |   Update On 2021-01-10 11:59 GMT
ஹெச்.வினோத் இயக்கத்தில் அஜித் நடித்து வரும் வலிமை படத்தின் அப்டேட்டிற்காக காத்திருப்பதாக அஜித் ரசிகர் ஒருவர் ஆட்டோவின் பின்னால் எழுதி உள்ளார்.
அஜித் நடிப்பில் உருவாகி வரும் படம் வலிமை. இப்படத்தை ஹெச்.வினோத் இயக்குகிறார். போனி கபூர் தயாரிக்கிறார். இப்படம் கடந்த 2019-ம் ஆண்டு இறுதியில் பூஜையுடன் தொடங்கப்பட்டது. இதற்கு பின், எந்தவித அதிகாரப்பூர்வ அப்டேட்டையும் படக்குழு வெளியிடாமல் உள்ளது. குறிப்பாக இப்படத்தில் அஜித்தை தவிர யாரெல்லாம் நடிக்கிறார்கள் என்பதைக்கூட இதுவரை தெரிவிக்கவில்லை. 

இதனால் சமூக வலைதளங்களில் வலிமை படத்தின் அப்டேட் கேட்டு அஜித் ரசிகர்கள் பதிவிட்டு வருகிறார்கள். இதுவரை எந்த அப்டேட்டும் தராத போனி கபூரை கண்டித்து போஸ்டர் ஒட்டிய சம்பவங்களும் அரங்கேறின. இவை எல்லாத்துக்கும் மேல், கடந்த வாரம் தேர்தல் பிரச்சாரத்தில் ஈடுபட்டிருந்த முதல்வர் எடப்பாடி பழனிச்சாமியிடம் ‘வலிமை’ அப்டேட் கேட்டது பரபரப்பை ஏற்படுத்தியது. 



இந்நிலையில் அஜித் ரசிகர் ஒருவர் தனது ஆட்டோவின் பின்புறம் ‘வெயிட்டிங் ஃபார் வலிமை அப்டேட்’ என எழுதி, படத்தின் மீதான தனது ஆர்வத்தை வெளிப்படுத்தியுள்ளார். இதுகுறித்த புகைப்படம் தற்போது சமூக வலைதளங்களில் வைரலாகி வருகிறது.
Tags:    

Similar News