சினிமா
விஜய் வாத்தின்னா... விக்ரம் கணக்கு வாத்தி...
மாஸ்டர் படத்தில் விஜய் வாத்தியாராக நடித்து வரும் நிலையில், முன்னணி நடிகராக இருக்கும் விக்ரம் கணக்கு வாத்தியாராக நடித்துள்ளார்.
டிமாண்டி காலனி, இமைக்கா நொடிகள் போன்ற வெற்றி படங்களை கொடுத்த அஜய் ஞானமுத்து, அடுத்ததாக இயக்கியுள்ள படம் ‘கோப்ரா’. விக்ரம் நாயகனாக நடிக்கும் இப்படத்தில், அவருக்கு ஜோடியாக ஸ்ரீநிதி ஷெட்டி நடித்துள்ளார். 7 ஸ்கிரீன் ஸ்டுடியோ நிறுவனமும், வியாகாம் 18 ஸ்டுடியோஸ் நிறுவனமும் இணைந்து தயாரிக்கும் இப்படத்திற்கு ஏ.ஆர்.ரகுமான் இசையமைத்துள்ளார்.
ஆக்ஷன், திரில்லர் என முற்றிலும் மாறுபட்ட கதை அம்சத்தோடு மிகப் பிரம்மாண்டமாக தயாராகும் இப்படத்தில் பிரபல கிரிக்கெட் வீரர் இர்பான் பதான் வில்லன் வேடத்தில் நடித்துள்ளார். இப்படம் தமிழ், தெலுங்கு, ஹிந்தி என மூன்று மொழிகளில் உருவாகி வருகிறது.
இந்நிலையில், இப்படத்தின் டீசரை படக்குழுவினர் இன்று வெளியிட்டனர். அதில், விக்ரம் கணக்கு வாத்தியாராக நடித்திருக்கிறார். மேலும் வில்லனாக நடித்திருக்கும் இர்பான் பதான், நம்பரை வைத்து விக்ரம் விளையாடுகிறார் என்றும் கூறுகிறார். இந்த டீசர் தற்போது ரசிகர்களை கவர்ந்து வைரலாகி வருகிறது.