சினிமா
பொங்கல் தினத்தில் 3 திரைப்படம்... எதிர்பார்த்து காத்திருக்கும் ரவீனா ரவி
நடிகையும் பின்னணிக் குரல் கொடுப்பவர் மாண ரவீனா ரவி பொங்கல் தினத்தை அதிகம் எதிர்பார்த்து காத்துக் கொண்டிருக்கிறார்.
விஜய்யின் ‘மாஸ்டர்’ படமும், சிம்புவின் ’ஈஸ்வரன்’ படமும் ஜெயம் ரவியின் ‘பூமி’ படமும் பொங்கலையொட்டி வெளியாகிறது. மாஸ்டரில் விஜய்க்கு ஜோடியாக மாளவிகா மோகனன் நடித்துள்ளார். ஈஸ்வரன் மற்றும் பூமி படங்களில் ஹீரோயினாக நிதி அகர்வால் நடித்துள்ளார். இவர்கள் இருவருக்கும் மூன்று படத்திலும் பின்னணி குரல் கொடுத்திருக்கிறார், ரவீனா ரவி.
ஏற்கனவே, ரவீனா ரவி நயன்தாரா, எமி ஜாக்சன், சமந்தா, அமலா பால் உள்ளிட்ட முன்னணி நடிகைகளுக்கு டப்பிங் கொடுத்துள்ளார். மேலும் விமர்சன ரீதியாக பாராட்டுகளைக் குவித்த ’ஒரு கிடாரியின் கருணை மனு’ மற்றும் சமீபத்தில் வெளியான ’காவல்துறை உங்கள் நண்பன்’ படங்களில் ஹீரோயினாக ரவீனா ரவி நடித்தவர் என்பது குறிப்பிடத்தக்கது.