மாஸ் லுக்கில் விக்ரம் பிரபு.... வைரலாகும் ‘புலிக்குத்தி பாண்டி’ பர்ஸ்ட் லுக்

கொம்பன், மருது, தேவராட்டம் போன்ற படங்களை இயக்கிய முத்தையா, அடுத்ததாக இயக்கி உள்ள படத்தில் விக்ரம் பிரபு, லட்சுமி மேனன் நடித்துள்ளனர். இதன் படப்பிடிப்பு மதுரை, திண்டுக்கல் உள்ளிட்ட இடங்களில் மும்முரமாக நடைபெற்று வந்தது. வேல்ராஜ் ஒளிப்பதிவு செய்துள்ள இந்தப் படத்துக்கு என்.ஆர்.ரகுநந்தன் இசையமைத்துள்ளார்.

இந்நிலையில், இப்படத்தின் பர்ஸ்ட் லுக் போஸ்டர் மற்றும் தலைப்பை படக்குழு அதிகாரப்பூர்வமாக அறிவித்துள்ளது. அதன்படி படத்துக்கு ‘புலிக்குத்தி பாண்டி’ என பெயரிட்டுள்ளனர். பர்ஸ்ட் லுக் போஸ்டரில் இதுவரை பார்த்திராத புதுவித கெட்டப்பில் விக்ரம் பிரபுவின் தோற்றம் அமைந்துள்ளது. இந்த போஸ்டர் சமூக வலைதளங்களில் வைரலாகி வருகிறது.