சினிமா
திடீர் திருமணம் ஏன்?.. சிம்பு பட நடிகை விளக்கம்
நடிகர் சிம்புவுடன் நடித்து மிகவும் பிரபலமான நடிகை, திடீர் திருமணம் செய்து கொண்டதற்கு தற்போது விளக்கம் அளித்துள்ளார்.
தம்பிக்கு இந்த ஊரு, பயணம், ஆயிரம் விளக்கு, சிலம்பாட்டம், தலைவன், அயோக்யா உள்ளிட்ட படங்களில் நடித்தவர் சனா கான். சல்மான் கான் தொகுத்து வழங்கும் இந்தி பிக் பாஸ் நிகழ்ச்சியிலும் கலந்துள்ளார். தொடர்ந்து டிவி நிகழ்ச்சிகளில் கவனம் செலுத்தி வந்த சனா கான் சமீபத்தில் தான் திரையுலகை விட்டு விலகுவதாக அறிவித்தார்.
இந்நிலையில் அவர் கடந்த 20ம் தேதி குஜராத் மாநிலம் சூரத்தில் முப்தி அனஸ் என்பவரை திருமணம் செய்து கொண்டுள்ளார். திருமணத்தின்போது எடுக்கப்பட்ட வீடியோ வெளியாகி வைரலானது. இந்நிலையில் தன் திருமண புகைப்படத்தை இன்ஸ்டாகிராமில் வெளியிட்டு சனா கான் கூறியிருப்பதாவது,
அல்லாவுக்காக ஒருவரையொருவர் காதலித்தோம். அல்லாவுக்காக திருமணம் செய்து கொண்டுள்ளோம். இந்த வாழ்க்கையில் அல்லா எங்களை ஒன்றாக வைத்திருந்து மறுமையிலும் ஒன்று சேர்க்கட்டும் என்று தெரிவித்துள்ளார்.