சினிமா
எல்.ஆர்.ஈஸ்வரி - ஆர்.ஜே.பாலாஜி

ஆர்.ஜே.பாலாஜியுடன் ஆட்டம் போட்ட எல்.ஆர்.ஈஸ்வரி... வைரலாகும் வீடியோ

Published On 2020-10-31 10:54 GMT   |   Update On 2020-10-31 10:54 GMT
பிரபல பிண்ணனி பாடகியான எல்.ஆர்.ஈஸ்வரி, மூக்குத்தி அம்மன் படப்பிடிப்பு தளத்தில் ஆர்.ஜே.பாலாஜியுடன் ஆட்டம் போட்ட வீடியோ வைரலாகி வருகிறது.
நடிகை நயன்தாரா நடிப்பில் தற்போது உருவாகி இருக்கும் படம் ‘மூக்குத்தி அம்மன்’. இப்படத்திற்கு கதை, திரைக்கதை, வசனம் எழுதியுள்ள ஆர்.ஜே.பாலாஜி, இயக்குனர் என்.ஜே.சரவணனுடன் இணைந்து இயக்கி உள்ளார். முழுக்க முழுக்க காமெடி படமாக உருவாகி வரும் இப்படத்திற்காக நயன்தாரா, 48 நாட்கள் விரதம் இருந்து நடித்துள்ளார். 

வேல்ஸ் பிலிம் இண்டர்நேஷனல் சார்பில் ஐசரி கே.கணேஷ் தயாரித்து இருக்கும் இப்படம் வருகிற தீபாவளி அன்று ஓடிடி தளத்தில் வெளியாக இருக்கிறது. 



இந்நிலையில், ஆர்.ஜே.பாலாஜி வீடியோ ஒன்றை வெளியிட்டுள்ளார். அதில், பிரபல பின்னணி பாடகி எல்.ஆர்.ஈஸ்வரி படப்பிடிப்பு தளத்திற்கு வரும்போது அவருக்கு உற்சாக வரவேற்பு கொடுத்துள்ளார். மேலும் ஆர்.ஜே.பாலாஜியுடன் எல்.ஆர்.ஈஸ்வரி ஆட்டம் போடுகிறார். இந்த படத்தில் ஒரு பாடலையும் பாடி நடிக்கவும் செய்திருக்கிறார் எல்.ஆர்.ஈஸ்வரி. தற்போது இந்த வீடியோ சமூக வலைத்தளத்தில் வைரலாக பரவி வருகிறது.
Tags:    

Similar News