சினிமா
தனது அடுத்த படத்தை நேரடியாக ஓடிடி-யில் வெளியிடும் அட்லீ.... ரிலீஸ் தேதி அறிவிப்பு
அட்லீயின் அடுத்த படம் நேரடியாக ஓடிடியில் ரிலீசாக உள்ளதாகவும், அதன் அதிகாரப்பூர்வ ரிலீஸ் தேதியும் அறிவிக்கப்பட்டுள்ளது.
ராஜா ராணி, தெறி, மெர்சல், பிகில் என அடுத்தடுத்து ஹிட் படங்களை கொடுத்த இயக்குனர் அட்லீ, பட தயாரிப்பிலும் கவனம் செலுத்தி வருகிறார். அந்த வகையில் இவர் தயாரிப்பில் ‘சங்கிலி புங்கிலி கதவ தொற’ திரைப்படம் கடந்த 2017-ம் ஆண்டு வெளியானது. தற்போது 3 ஆண்டு இடைவேளைக்கு பின் ‘அந்தகாரம்’ என்ற படத்தை பேஷன் ஸ்டூடியோஸ் உடன் இணைந்து தயாரித்துள்ளார் அட்லீ.
இந்நிலையில், இப்படத்தை வருகிற நவம்பர் 24-ந் தேதி நேரடியாக நெட்பிளிக்ஸ் ஓடிடி தளத்தில் வெளியிட உள்ளதாக அட்லீ அறிவித்துள்ளார். இப்படம் தமிழ், தெலுங்கு ஆகிய இரு மொழிகளில் வெளியாக உள்ளது.
விக்னராஜன் என்கிற அறிமுக இயக்குனர் இயக்கியுள்ள இப்படத்தில் அர்ஜுன் தாஸ், வினோத் கிஷன், மீஷா கோஷல், பூஜா ராமச்சந்திரன் உள்ளிட்ட பலர் நடித்துள்ளனர். இப்படத்திற்கு பிரதீப் குமார் இசையமைத்துள்ளார்.
Happy to collaborate with u @NetflixIndia#Andhaghaaramhttps://t.co/PreO2lxed9
— atlee (@Atlee_dir) October 30, 2020