சினிமா
செல்வராகவன்

இளம் நடிகருடன் கூட்டணி அமைக்கும் செல்வராகவன்?

Published On 2020-10-27 09:37 GMT   |   Update On 2020-10-27 09:37 GMT
வித்தியாசமான கதையம்சம் கொண்ட படங்களை கொடுப்பதில் கைதேர்ந்தவரான செல்வராகவன், அடுத்ததாக இளம் நடிகரின் படத்தை இயக்க உள்ளாராம்.
தமிழ் சினிமாவில் தனித்துவமான இயக்குனர்களுள் ஒருவர் செல்வராகவன். காதல் கொண்டேன், 7ஜி ரெயின்போ காலனி, புதுப்பேட்டை, ஆயிரத்தில் ஒருவன், மயக்கம் என்ன, இரண்டாம் உலகம், என்.ஜி.கே என்று வித்தியாசமான கதையம்சம் உள்ள படங்களை கொடுத்தார்.

செல்வராகவன் இயக்கத்தில் சந்தானம் நடித்த மன்னவன் வந்தானடி, எஸ்.ஜே.சூர்யா நடித்த நெஞ்சம் மறப்பதில்லை ஆகிய படங்கள் சில வருடங்களுக்கு முன்பே முடிந்தும் இன்னும் திரைக்கு வராமல் முடங்கி உள்ளன. 



இவர் அடுத்ததாக தனுஷை வைத்து படம் இயக்க உள்ளதாக கூறப்பட்டது. ஆனால் தனுஷ் அடுத்தடுத்து வெவ்வேறு இயக்குனர்களின் படங்களில் நடிக்க ஒப்பந்தமாகி உள்ளதால், அவர் செல்வராகவன் படத்தில் தற்போது நடிக்க முடியாத சூழல் ஏற்பட்டுள்ளது.

இதனால் குறுகிய காலத்தில் ஒரு படத்தை எடுத்து முடிக்க செல்வராகவன் திட்டமிட்டுள்ளாராம். இந்த படத்தில் நடிக்க கவுதம் கார்த்திக்கிடம் பேச்சுவார்த்தை நடைபெற்று வருவதாக கூறப்படுகிறது. விரைவில் இதுகுறித்த அறிவிப்பு வெளியாகும் என எதிர்பார்க்கப்படுகிறது.
Tags:    

Similar News