முன்னணி இயக்குனர் மிஷ்கின் இயக்கத்தில் உருவாகும் பிசாசு 2 படத்தில் பிரபல இசையமைப்பாளர் இணைந்திருக்கிறார்.
மிஷ்கின் - ஆண்ட்ரியா
மிஷ்கின் இயக்கத்தில் வெளியாகி சூப்பர் ஹிட்டான படம் பிசாசு. தற்போது "பிசாசு 2" படத்தை இயக்கி வருகிறார் மிஷ்கின். இதில் ஆண்ட்ரியா முதன்மை கதாபாத்திரத்தில் நடிக்கிறார். இதன் அறிவிப்பு சில தினங்களுக்கு முன்பு வெளியானது.
தற்போது இந்த படத்தில் இசையமைப்பாளராக கார்த்திக் ராஜா இணைந்திருப்பதாக மிஷ்கின் அறிவித்துள்ளார். இது குறித்து இயக்குநர் மிஷ்கின் கூறியதாவது...
பிசாசு படம் கொண்டாடப்பட முக்கிய காரணிகளில் ஒன்று, அதன் தவிர்க்கமுடியாத இசையும் ஆகும். பிசாசு 2 கதையை உருவாக்கியபோது உணர்ச்சி ததும்பும் கதையில் இசைக்கான முக்கியதுவம் விட்டுப்போய்விடக்கூடாது என நினைத்தேன். இசையும் உணர்வுகளும் இரண்டறக் கலந்து இக்கதையை கூற நினைத்தேன்.
தற்போது இசையமைப்பாளர் கார்த்திக் ராஜாவுடன் இப்படத்திற்காக இணைந்ததில் பெரும் மகிழ்ச்சி அடைகிறேன். அவரது இசை பிரபலமான, பல படங்களுக்கு உயிர் தந்திருக்கிறது. அவருடன் இசையமைக்கும் பணியின் ஒவ்வொரு தருணமும் பெரும் சந்தோஷத்தை தருவதாக அமைந்திருகிறது. இன்னும் நெகிழ்வான, சிறப்பான தருணங்களை, இந்த இசைப்பயணம் இருவருக்கும் தருமென நம்புகிறேன் என்றார்.
Related Tags :