சினிமா
கணவருடன் சினேகா

சினேகா பிறந்தநாளுக்கு சர்ப்ரைஸ் கொடுத்த பிரசன்னா

Published On 2020-10-12 16:36 GMT   |   Update On 2020-10-12 16:36 GMT
பிரபல நடிகையாக இருக்கும் சினேகாவின் பிறந்த நாளை முன்னிட்டு அவரது கணவர் பிரசன்னா சர்ப்ரைஸ் கொடுத்து இருக்கிறார்.
தமிழ் சினிமாவில் முன்னணி ஹீரோயினாக வலம் வந்தவர் சினேகா. கமல், விஜய், அஜித் உள்ளிட்ட பல ஹீரோக்களுடன் இவர் ஜோடி சேர்ந்து நடித்துள்ளார். இவர் நடிப்பில் இந்த வருடம் பட்டாஸ்ஸ் திரைப்படம் வெளியாகி ரசிகர்களிடம் சிறப்பான வரவேற்பை பெற்றது.

 இவர் நடிகர் பிரசன்னாவை திருமணம் செய்து கொண்டார். இவர்களுக்கு இரண்டு குழந்தைகள் உள்ளனர். சினேகா தனது பிறந்தநாளை இன்று கொண்டாடுகிறார். சமூக வலைத்தளத்தில் இவருக்கு பலரும் வாழ்த்துகளை தெரிவித்து வருகின்றனர்.



இந்நிலையில் நடிகரும் சினேகாவின் கணவருமான பிரசன்னா வீட்டை அலங்கரித்து, பிரமாதமான கேக்கையும் தயார் செய்து, சினேகாவிற்கு ஸ்வீட் சர்ப்ரைஸ் கொடுத்துள்ளார். குடும்பத்துடன் இவர்கள் பிறந்தநாளை கொண்டாடிய புகைப்படங்கள் இணையத்தில் வைரலாகி வருகிறது. 
Tags:    

Similar News