சினிமா
பிரபாஸ்

ராமர் வேடத்துக்காக வீட்டிலேயே வில்வித்தை பயிற்சி - பிரபாஸ் திட்டம்

Published On 2020-08-27 08:38 GMT   |   Update On 2020-08-27 08:38 GMT
ஆதிபுருஷ் படத்தில் ராமர் வேடத்தில் நடிக்க உள்ள பிரபாஸ், அதற்காக வீட்டிலேயே வில்வித்தை பயிற்சி எடுக்க திட்டமிட்டு உள்ளாராம்.
பாகுபலியில் பிரபலமான பிரபாஸ் அடுத்து ஆதிபுருஷ் என்ற புதிய படத்தில் நடிக்க உள்ளதாக அறிவித்து உள்ளனர். இது அவருக்கு 21-வது படம். இந்த படம் 3டி தொழில் நுட்பத்தில் உருவாகிறது. இந்தி, தெலுங்கு மொழிகளில் தயாராகும் இந்த படத்தை தமிழ், மலையாளம், கன்னடம் மொழிகளிலும் வெளியிடுகின்றனர். படத்தின் போஸ்டர் மூலம் ராமாயணத்தின் ஒருபகுதியை படமாக்குவது உறுதியானது. 



ராமர் கதாபாத்திரத்தில் பிரபாஸ் நடிக்கிறார். ராமர் வில்வித்தையில் சிறந்தவர் என்பதால், படத்தில் அதை கச்சிதமாக செய்ய வேண்டும் என்பதற்காக பிரபாஸ் வில்வித்தை பயிற்சி மேற்கொள்ள இருக்கிறாராம். தற்போது கொரானோ அச்சுறுத்தல் இருப்பதால் வீட்டிலேயே வில்வித்தை பயிற்சி எடுக்க பிரபாஸ் திட்டமிட்டுள்ளாராம். அதற்காக வீட்டிலேயே தனி பயிற்சிக்கூடம் உருவாக்கும் பணிகள் நடந்து வருகிறதாம். அவை முடிந்ததும் பிரபாஸ் வில்வித்தை பயிற்சிகளை ஆரம்பிக்க இருக்கிறாராம்.
Tags:    

Similar News