சினிமா
விஜய், சூர்யா பற்றி சர்ச்சை கருத்து - மீரா மிதுனின் உருவ பொம்மை எரிப்பு
நடிகர்கள் விஜய், சூர்யா பற்றி சமூக வலைத்தளத்தில் தொடர்ந்து சர்ச்சை கருத்துக்களை பதிவு செய்து வரும் மீரா மிதுனின் உருவ பொம்மை எரித்து கலாம் இயக்கத்தினர் போராட்டம் நடத்தியுள்ளனர்.
பிக்பாஸ் நிகழ்ச்சி மூலம் பிரபலமானவர் நடிகை மீரா மிதுன். இவர் சமூக வலைத்தளத்தில் நடிகர்கள் சூர்யா மற்றும் விஜய் பற்றி பல விமர்சனங்களை வைத்திருந்தார். இதைக் கண்டித்து நடிகர்கள் சூர்யா, விஜய்யின் ரசிகர்கள் மீரா மிதுனை கடுமையாக விமர்சனம் செய்தார்கள்.
இந்த விமர்சனங்களுக்கு எதிராக சூர்யா, விஜய்யின் குடும்பத்தினரை தரக்குறைவாக விமர்சனம் செய்து வீடியோ வெளியிட்டார். இதனை கண்டித்து கலாம் சேவை மையம் சார்பில் புதுச்சேரி காவல் நிலையத்தில் புகார் மனு கொடுத்தனர்.
இந்த புகாரை மீரா மிதுன் கேலி செய்து பதிவு செய்ததாக, மீரா மிதுனின் உருவ பொம்மைகளை எரித்து, புதுச்சேரி கலாம் இயக்கத்தினர் போராட்டத்தில் ஈடுபட்டுள்ளனர்.