கேஜிஎப் பட இயக்குனரை கொண்டாடிய ரசிகர்கள்

2018-ஆம் ஆண்டு வெளியான படம் கேஜிஎப். இதில் நடிகர் யாஷ் கதாநாயகனாக நடித்திருந்தார். இந்தப் படம் இந்தியளவில் பெரிய ஹிட் அடித்து, நடிகர் யாஷுக்கு பரவலான ரசிகர்களை உருவாக்கித் தந்தது. இப்படத்தை இயக்கியவர் பிரசாந்த் நீல்.

 இப்படத்தின் இரண்டாம் பாகத்தை முதல் பாகத்தை விட பிரம்மாண்டமாக உருவாக்கி உள்ளார் பிரசாந்த் நீல். லாக்டவுன் முடிந்த பின் செப்டம்பர் 23-ஆம் தேதி படத்தை வெளியிடுவோம் என்று படக்குழுவினர் அறிவித்திருந்தனர்.
இன்று (ஜூன் 4) இயக்குனர் பிரசாந்த் நீல் தன் பிறந்த நாளை கொண்டாடி வருகிறார். கேஜிஎப் சேப்டர் 2 #KGFChapter2 என்ற ஹாஷ் டாக்கை ரசிகர்கள் தற்போது உருவாக்கி டிவிட்டரில் டிரெண்டாக்கி பிரசாந்துக்கு பிறந்தநாள் வாழ்த்துக்களை கூறி வருகின்றனர்.